Трамп распарадзіўся скараціць папуляцыю камароў у Вашынгтоне на 90%
І кляшчоў таксама.
Здымак ілюстрацыйны. Фота: pixabay.com
Прэзідэнт ЗША падпісаў указ, згодна з якім адпаведныя ведамствы павінны на працягу 60 дзён распрацаваць стратэгію барацьбы з азіяцкімі тыгровымі камарамі, камарамі жоўтай ліхаманкі і іншымі інвазійнымі відамі ў амерыканскай сталіцы.
Дакумент таксама прадугледжвае скарачэнне папуляцыі кляшчоў у Вашынгтоне напалову. Рэалізацыя праграмы прадугледжвае выкарыстанне біятэхналогій і нехімічных метадаў.
У распрацоўцы плана возьмуць удзел міністры ўнутраных спраў і сельскай гаспадаркі, а таксама кіраўнік Агенцтва па ахове навакольнага асяроддзя.
Whitehouse.gov