У выніку абстрэлу ў Кіеве пашкоджаны 25‑павярховы жылы дом
Таксама расіяне зноў ударылі па Паўднёвым мосце.
На досвітку быў удар па Паўднёвым мосце, фота УНІАН
У выніку абстрэлу ў Кіеве пашкоджаны 25‑павярховы жылы дом. Пра гэта паведаміў мэр горада Віталь Клічко.
«У Дарніцкім раёне зафіксавана пападанне па верхніх паверхах жылога шматпавярховага дома. Паведамляецца пра ўзгаранне», — напісаў ён.
Уначы ў Кіеве пад удар таксама зноў трапіў Паўднёвы мост.
З-за начных атак у горадзе быў абмежаваны рух грамадскага транспарту, Паўднёвы мост перакрыты ў абодвух напрамках.