У мінскай паліклініцы медсястра назвала пацыента свінотай
Пацыент зайшоў без чаргі ў кабінет доктара «проста спытаць».
Ілюстрацыйнае фота БелТА
У паліклініцы Цэнтральнага раёна Мінска адбыўся канфлікт: медсястра некарэктна звярнулася да пацыента, паведамляе Mlyn.by.
Медсястра назвала пацыента «свінотай», калі той зайшоў у кабінет, каб удакладніць парадак чаргі.
Паводле слоў сведкі сітуацыі, гэты выпадак не першы. Жанчына ўдакладніла, што супрацоўніца рэгулярна дазваляе сабе размаўляць на павышаных тонах і дапускае грубыя выказванні.
Адвакат Мінскай гарадской калегіі Дар'я Хаткевіч расказала, што падобныя паводзіны могуць карацца. Прычым можа пагражаць як дысцыплінарная, грамадзянска-прававая, так і адміністрацыйная адказнасць паводле заканадаўства Беларусі.
Грубасць недапушчальная. Парушэнне гэтых нормаў можа пацягнуць прыцягненне да дысцыплінарнай адказнасці.
Пацыент, на адрас якога прагучала абраза, можа звярнуцца ў суд з пазовам аб грашовай кампенсацыі маральнай шкоды, патлумачыла юрыст.
Што тычыцца выказвання «свінота», адвакатка патлумачыла наступнае. Для прызнання выказвання абразай паводле арт. 10.2 КаАП заканадаўства патрабуе выканання дзвюх абавязковых умоў: намеру прынізіць гонар і годнасць канкрэтнай асобы і непрыстойнай формы выказвання.
А «свінота» хутчэй адносіцца да брыдкай інвектыўнай лексікі (слоў і выразаў, якія выкарыстоўваюцца для выражэння агрэсіі, абразы, прыніжэння суразмоўцы, выражэння пагарды, варожасці або грэбавання).
Ці ёсць у гэтым склад правапарушэння, непасрэдна вызначае суд.