Бяспраўніка з 2,3 праміле злавілі ў Касцюковічах
Сёння ў гэтым гарадку на самым усходзе Беларусі на лінію 102 паступіла паведамленне, што нецвярозы мужчына кіруе машынай.
Інспектары ДАІ аператыўна адрэагавалі і спынілі KIA за рулём якога знаходзіўся 27‑гадовы мясцовы жыхар з відавочнымі прыкметамі алкагольнага ап'янення, паведамляе магілёўская міліцыя.
Агляд паказаў наяўнасць 2,3 праміле этылавага спірту ў выдыханым паветры. Таксама высветлілася, што раней малады чалавек ніколі не атрымліваў пасведчання кіроўцы.
Мужчына аштрафаваны 200 базавых велічынь (9 000 рублёў). На правы можна будзе забыцца на пяць гадоў.