Снарад трапіў у рэйсавы аўтобус на мяжы Малдовы і Украіны. Паранены малдаўскі памежнік
Снарад упаў каля пункта пропуску «Паланка — Маякі-Удобнае» падчас расійскай атакі на Украіну. Ён адскочыў ад зямлі і трапіў у аўтобус, які стаяў каля шлагбаума.
Інцыдэнт адбыўся 5 кастрычніка каля 9:38, паведаміла памежная паліцыя Малдовы.
У выніку былі пашкоджаныя рэйсавы аўтобус і кабіна памежнага кантролю. Адзін з малдаўскіх памежнікаў атрымаў лёгкае раненне. Іншых пацярпелых няма.
Працу пункта пропуску ў напрамку з Малдовы ва Украіну часова спынілі. Таксама перакрылі дарогу да Паланкі, а аўтамабілі накіроўваюць да пункта пропуску «Тудора».