У Вілейскім раёне 84‑гадовы кіроўца збіў веласіпедыстку і з'ехаў з месца аварыі
Аварыя адбылася раніцай 3 кастрычніка на аўтадарозе «Жэрдзяжжа — Крывічы». Пацярпелая ў ДТЗ жанчына ад шпіталізацыі адмовілася.
84‑гадовы мясцовы жыхар на аўтамабілі Opel рухаўся па дарозе і здзейсніў наезд на 66‑гадовую жанчыну. Веласіпедыстка ехала па краі праезнай часткі ў спадарожным кірунку.
Пасля сутыкнення кіроўца не спыніўся і пакінуў месца здарэння.
У выніку ДТЗ жанчына атрымала траўмы. Ёй аказалі неабходную медыцынскую дапамогу, аднак ад шпіталізацыі пацярпелая адмовілася, піша Kraj.by.