У Мінску пачаўся суд над ксяндзом Анатолем Парахневічам
Паводле звестак вернікаў, святара ўтрымліваюць у СІЗА КДБ і абвінавачваюць у «здрадзе дзяржаве».
На гэтым тыдні ў Мінску адбываецца суд па крымінальнай справе пробашча парафіі ў Альковічах Вілейскага раёна ксяндза Анатоля Парахневіча, піша katolik.life.
Суд праходзіць у закрытым рэжыме, ніякай афіцыйнай інфармацыі на гэты конт няма. Святара затрымалі больш за паўгода таму, у сярэдзіне сакавіка — ён правёў у зняволенні ўжо звыш 200 дзён.
За гэты час ксёндз адзначыў сваё 66‑годдзе і 31‑ю гадавіну святарскага пасвячэння.
Паводле звестак вернікаў, святара ўтрымліваюць у СІЗА КДБ і абвінавачваюць у «здрадзе дзяржаве». Пра ягоную справу нічога не паведамлялася, але ў вернікаў ёсць версія, што стала падставай для пераследу, які яны лічаць несправядлівым.