Шпіёнскі трылер пра Рамана Пратасевіча забаранілі ў Беларусі
Мінінфармацыі абнавіла спіс друкаваных выданняў, распаўсюд якіх здольны нанесці шкоду нацыянальным інтарэсам Рэспублікі Беларусь. То-бок яны забароненыя ў краіне.
Uzum Market
Сярод іх шпіёнскі раман французскага пісьменніка Марка Леві «Ноа». Раней ён ужо быў унесены ў спіс «экстрэмісцкіх матэрыялаў».
Дзеянне рамана разгортваецца ў 2021 годзе. Годам раней хатняя гаспадыня Святлана (прозвішча не называецца) перамагае на прэзідэнцкіх выбарах дыктатара Лучына. Спецслужбы вывозяць Святлану з дзецьмі за мяжу, а яе мужа Мікалая адпраўляюць у турму.
У Мінску гіне грамадская актывістка і ўдзельніца супраціву Дар'я, якая расследавала карупцыю сярод вышэйшага кіраўніцтва краіны. Таксама ўлады прымушаюць сесці ў Мінску рэйс Афіны — Вільня з Раманам Пратасевічам і Сафіяй Сапегай на борце.
У Мінск прылятае ізраільская журналістка Джэніс, якая належыць да групоўкі хакераў «Дзевяць». Яна сяброўка Марыі і павінна знайсці Пратасевіча, якога ўтрымліваюць на Акрэсціна.
«Наша Ніва» падрабязна пісала пра раман тут
Раман Пратасевіч стаў героем французскага шпіёнскага рамана
Акрамя таго, у спіс дадалі яшчэ 12 твораў:
- «Злачынствы ў малюнках для дзяцей. Хто вінаваты?» — Мадэста Гарсія;
- «Злачынствы ў малюнках: Забойства або самагубства?» — Мадэста Гарсія;
- «Прытулак смерці» — Мараль Атмаджа;
- «Ненадзейная кроў» — Марыя Салаўёва;
- «Ілюзія падзення» — Лія Аструм;
- «Арахнід» — І. В. Афелія;
- «Кангруэнт» — Вераніка Дэсманд;
- «Тыя нямногія, што нясуць смерць» — Алексіс Патан;
- «Тыя нямногія, што нясуць цемру» — Алексіс Патан;
- «Даражэнькая» — Сі Джэй Скьюз;
- «Пакой» — Х'юберт Сэлбі-малодшы;
- «Спіс ценяў» — Джэйд Прэслі.