У Польшчы затрымалі падазраванага ў падрыхтоўцы замаху на Туска
Пагрозы польскаму прэм'еру прыйшлі па электроннай пошце.
Дональд Туск. Фота: Beata Zawrzel / NurPhoto via Getty Images
У Польшчы затрымалі падазраванага ў планаванні замаху пра польскага прэм'ер-міністра Дональда Туска. Пра гэта паведаміў міністр унутраных спраў Польшчы Марцін Кярвінскі. Дэталяў ён не прывёў.
Раней у Польшчы тэрмінова збіралі службы бяспекі праз паведамленне пра падрыхтоўку замаху на Туска і міністра абароны Уладзіслава Касіняка-Камыша. Пагрозы прыйшлі электроннай поштай. Службы паставіліся да паведамлення надзвычай сур’ёзна. Хоць пагрозы часам аказваюцца дурнымі жартамі, у гэтым выпадку іх ацэньваюць інакш.