Пад Гомелем нарэшце знайшлі зніклага паўліна
Паўліна Гошу, які знік у Гомельскім раёне, знайшлі. Пра гэта паведаміла ў сацсетках яго гаспадыня Таццяна, заўважыла выданне Times.by.
Той самы паўлін Гоша
Птушка ўцякла з двара 8 кастрычніка ў пасёлку Цагельня пад Гомелем. Гаспадары адразу заўважылі знікненне і пачалі пошукі, а таксама абвясцілі ўзнагароду таму, хто дапаможа знайсці Гошу.
Урэшце паўліна заўважылі мясцовыя жыхары: ён шпацыраваў уздоўж трасы на выездзе з горада. Людзі паведамілі пра знаходку гаспадарам.
Таццяна падзякавала ўсім неабыякавым за дапамогу ў пошуках і падтрымку. Яна паведаміла, што Гоша вярнуўся дадому і цяпер сям’я зноў жыве сваім звычайным спакойным жыццём.
У верасні ў Гомелі таксама шукалі паўліна. Тады птушку з пышным хвастом сфатаграфавалі работнікі вытворчага цэха на вуліцы Ландышавай. Пасля публікацыі здымкаў у сацыяльных сетках гаспадары хутка знайшліся і забралі гадаванца. Пазней высветлілася, што да гэтага яны шукалі зніклую птушку два дні.
Чытайце таксама:
Пад Гомелем шукаюць збеглага паўліна
У Гомелі ў вытворчы цэх прыйшоў паўлін ФОТАФАКТ
Чырванакніжны журавель гуляў у Мінску каля школы
Думаеце, птушыны памёт можна пакінуць да наступнага мыцця машыны? Ой не