Шаранговіч стаў аўтарам першай шайбы беларуса ў НХЛ у гэтым сезоне
Беларускі форвард «Калгары Флэймз» паставіў кропку ў перамозе над «Анахаймам» (4:2).
Ягор Шаранговіч. Фота: x.com / NHLFlames
Таксама адметна, што гэта першая перамога «Калгары» ў гэтым сезоне. Да гэтага ў клуба было пяць паразаў запар. Але клуб па-ранейшаму працягвае займаць апошняе 16‑е месца ў Заходняй канферэнцыі.
У гэтым сезоне ў НХЛ пакуль згулялі пяць беларусаў: форварды Аляксей і Ілля Протасы («Вашынгтон»), Віталь Пінчук («Нэшвіл»), Ягор Шаранговіч («Калгары») і абаронца Арцём Леўшуноў («Чыкага»).
Леўшуноў сёння вызначыўся галявым пасам у матчы супраць «Пітсбурга», які «Чыкага» выйграла. Браты Протасы і Пінчук сёння сышлі з лёду без анічога.