У Мінску прадаюць дом на вадзе. Колькі просяць за незвычайны аб'ект на Чыжоўскім вадасховішчы?
Плывучы дом прышвартаваны ў раёне вуліцы Карзюкі.
Фота тут і далей: onliner.by
Плывучы дом мае агульную плошчу 48 квадратаў, жылая з іх — усяго 20 метраў. Памяшканне 2018 года пабудовы. Апроч самога доміка, ёсць прасторная тэраса.
На даху дома ўсталяваныя сонечныя панэлі і зона для грыля.
Унутранае аздабленне дома на вадзе падобнае да звычайнага лецішча. Прадаецца разам з усёй мэбляй і тэхнікай. Ёсць біятулет, газавая пліта і два балоны. Таксама ў доме ёсць лазневая печ і невялікая лазня.
Дом аздоблены рухавіком «Меркурый» магутнасцю 30 к.с.
Прадавец ацаніў плывучыя апартаменты ў 17 тысяч даляраў.