Экс-футбаліст першынства Беларусі аддаў тры галявыя перадачы ў матчы Лігі чэмпіёнаў супраць «Ліверпуля»
Аднак гэта не дапамагло яго камандзе пазбегнуць паражэння. У матчы другога тура агульнага этапу Лігі чэмпіёнаў аўстрыйскі ЛАСК саступіў англійскаму «Ліверпулю» з лікам 3:6.
Фота: ЛАСК
Тры галявыя перадачы ў складзе ЛАСКа аддаў камерунскі абаронца Іван Дзібанга і атрымаў за гульню самы высокі бал — 8,9.
Футбаліст выступаў у вышэйшай лізе за «Іслач» у 2021—2022 гадах, правёўшы 49 матчаў ва ўсіх турнірах: пяць галоў і дзевяць асістаў.
Таксама Дзібанга выступаў за эстонскую «Левадзію» і ўкраінскі «Крыўбас», адкуль перабраўся ў Аўстрыю.
Цікава, што ў гэтым сезоне ў ЛАСКу Іван галявымі дзеяннямі не вызначаўся.
Іншы былы гулец чэмпіянату Беларусі, узбек Абдукадзір Хусанаў, што гуляў у свой час за мінскі «Энергетык-БДУ», а зараз выступае за «Манчэстэр Сіці», прайграў разам са сваім клубам ПСЖ 2:4.