У Беларусі перастаў працаваць яшчэ адзін сэрвіс «Яндэкса»
15 кастрычніка перастаў працаваць сэрвіс «Яндэкс Панарамы». Цяпер карыстальнікі больш не могуць праглядаць фатаграфіі канкрэтных месцаў праз «Яндэкс Карты», піша Blizko.by.
Здымак ілюстрацыйны. Фота: vecteezy.com
Праблемы з гэтым сэрвісам узніклі яшчэ раней: 14 кастрычніка можна было паглядзець толькі найноўшыя здымкі, а панарамы за папярэднія гады былі недаступныя.
Збоі ў працы сэрвісаў «Яндэкса» ў Беларусі пачаліся раніцай 11 кастрычніка. У апошнія дні расійскія цэнтры апрацоўкі даных кампаніі некалькі разоў траплялі пад атакі беспілотнікаў.
У ноч на 8 кастрычніка УСУ атакавалі цэнтр апрацоўкі даных у Сасаве Разанскай вобласці, на наступны дзень пацярпеў аб’ект у Калузе, прыкладна за 160 кіламетраў ад Масквы. У ноч на 11 кастрычніка ўдар быў нанесены па цэнтры апрацоўкі даных ва Уладзіміры.
Пасля гэтых атак карыстальнікі ў Расіі і Беларусі паведамляюць пра перабоі ў працы «Яндэкс Go», «Яндэкс Ежы», галасавога памочніка «Аліса» і іншых сэрвісаў кампаніі.
Чытайце таксама:
«Яндэкс Таксі» прыпыніў падключэнне новых перавозчыкаў у Беларусі
У Беларусі немагчыма выклікаць «Яндэкс-таксі» пасля атакі дронаў на дата-цэнтр ва Уладзіміры
Украінцы паразілі дронамі найбуйнейшы дата-цэнтр «Яндэкса» ў Расіі
Пасля атакі дронаў на дата-цэнтр «Яндэкса» Рунэт накрыў маштабны збой
Украіна ўпершыню ўдарыла па дата-цэнтры «Яндэкса». «Яндэкс.Дыск» працуе са збоямі