Мужчына спрабаваў ускочыць на цягнік, але сарваўся з яго і пабіўся
Здарэнне адбылося на чыгуначным вакзале ў Брэсце.
Спроба дагнаць цягнік, які адпраўляўся, абярнулася для 53‑гадовага мясцовага жыхара сур’ёзнымі траўмамі, паведаміў Дзяржкамітэт судовых экспертыз.
Мужчына спазняўся на цягнік. У момант, калі цягнік пачаў рухацца, пасажыр вырашыў рызыкнуць і паспрабаваў на хаду заскочыць у вагон. Аднак утрымацца за поручань яму не ўдалося: мужчына сарваўся і ўпаў у прастору паміж перонам і чыгуначнымі рэйкамі.
З траўмамі берасцеец быў дастаўлены ў бальніцу. Каб вызначыць ступень цяжкасці цялесных пашкоджанняў, прызначылі экспертызу.
Мужчына атрымаў закрыты пералом прамянёвай косці.