Беларусь адкрыла пасольствы ў Паўночнай Карэі і М'янме
У кастрычніку 2026 года Беларусь адкрыла два новыя пасольствы ў Азіі — у Пхеньяне, сталіцы КНДР, і Нейп’іда, сталіцы М’янмы. Пра гэта паведаміла Міністэрства замежных спраў Беларусі.
Аляксандр Лукашэнка і кіраўнік КНДР Кім Чэн Ын падчас сустрэчы у Паўночнай Карэі, 26 сакавіка 2026. Фота: Belarus Presidential Press Service via AP
Дамоўленасці аб адкрыцці дыпламатычных прадстаўніцтваў былі дасягнутыя падчас ранейшых сустрэч Аляксандра Лукашэнкі з кіраўнікамі гэтых краін.
У МЗС заявілі, што адкрыццё пасольстваў з’яўляецца часткай мэтанакіраванай палітыкі Беларусі па ўмацаванні сваёй прысутнасці ў краінах «далёкай дугі». Праца новых дыпламатычных місій будзе накіраваная на далейшае развіццё ўзаемавыгадных адносін з КНДР і М’янмай.
Пры гэтым на сайце беларускага МЗС новыя пасольствы пакуль не пазначаныя, таму даведацца іх адрасы з афіцыйнай крыніцы пакуль немагчыма.
Чытайце таксама:
Лукашэнка пра КНДР: Пад мудрым кіраўніцтвам вялікіх лідараў краіна дасягнула значных поспехаў
Ці могуць паўночнакарэйскія войскі прыехаць у Беларусь у выпадку эскалацыі на мяжы з Украінай?
На паўднёвакарэйскім тэлебачанні пажартавалі пра магчымы шлюб Мікалая Лукашэнкі і дачкі Кім Чэн Ына