Вальфовіч ацаніў беларускіх вайскоўцаў на 9,5 з 10
«Станоўчых момантаў больш, натуральна: высокі маральны дух, жаданне і здольнасць выканаць задачы».
Фота: vvmvdrb / Telegram
Дзяржсакратар Рады бяспекі Аляксандр Вальфовіч ацаніў праверку сілавога блока.
«Нюанс быў у чым: мы ўскладнілі праверку ўздзеяннем у рэжыме рэальнага часу дыверсійна-разведвальнымі групамі [умоўнага] праціўніка. (…) Станоўчых момантаў больш, натуральна: высокі маральны дух, жаданне і здольнасць выканаць задачы, імпэт выканаць задачы», — падкрэсліў Вальфовіч у эфіры тэлеканала «Першы інфармацыйны».
Ён не стаў адмаўляць, што праверка выявіла і некаторыя праблемы.
Дзяржсакратар Рады бяспекі ацаніў, што вайскоўцы справіліся на 9,5 з 10.