У мінскім аэрапорце цалкам перакрыюць пад’язную эстакаду
Эстакаду да будынка аэравакзала закрыюць на рэканструкцыю. Пасадку і высадку пасажыраў грамадскага транспарту перанясуць у зону прылёту.
Працы ў Нацыянальным аэрапорце Мінск пачнуцца ў аўторак, 20 кастрычніка. На час рэканструкцыі рух транспарту па пад’язной эстакадзе цалкам спыняць, паведамляе аэрапорт.
Грамадскі транспарт будзе забіраць і высаджваць пасажыраў у зоне прылёту — каля сектараў 5—6.
Пасажыраў і тых, хто іх сустракае ці праводзіць, просяць улічыць змены пры планаванні паездкі і загадзя прадумаць маршрут па прывакзальнай плошчы.
Кіроўцам трэба сачыць за часовымі дарожнымі знакамі і разметкай, а таксама выконваць указанні супрацоўнікаў, якія арганізуюць рух.
Тэрмін завяршэння рэканструкцыі не названы.