32‑гадовы беларус з-пад Гомеля першы раз у жыцці атрымае пашпарт толькі цяпер
У Гомельскім раёне мужчына, які нарадзіўся ў 1994 годзе, толькі цяпер зможа атрымаць пашпарт. А дагэтуль больш за 30 гадоў ён пражыў без дакумента, які афіцыйна пацвярджаў бы ягонае нараджэнне, паведаміла мясцовае тэлебачанне.
Здымак ілюстрацыйны. Фота: Lookby.media
Прычынай стала памылка, зробленая яшчэ ў радзільні. Пры афармленні дакументаў сваякі пазначылі імя маці «Нона» замест сапраўднага — «Ларыса». У выніку ў даведцы пра нараджэнне з’явілася няправільнае імя, а пасведчанне аб нараджэнні ўстаноўленага ўзору так і не аформілі.
Выправіць сітуацыю дапамагла пракуратура. Пракурор Гомельскага раёна ў інтарэсах мужчыны звярнуўся ў суд з заявай аб устанаўленні факту яго нараджэння 1 студзеня 1994 года ад маці Ларысы.
Суд цалкам задаволіў заяву. Акрамя таго, пастаноўлена ўнесці ў запіс звесткі пра бацьку мужчыны.
Чытайце таксама:
Беларусы за мяжою знайшлі прымяненне нядзейнаму беларускаму пашпарту
Што зменіцца для беларусаў пасля падпісання новага міграцыйнага пагаднення з Расіяй
Беларусы з пратэрмінаванымі пашпартамі змогуць падаўжаць дазвол на жыхарства ў Ірландыі
Офіс Беларускага пашпартнага цэнтра ў Вільні зачыняецца, праца працягнецца без офіса