Пуцін не перадаваў Уіткафу пісьмовых прапаноў па ўрэгуляванні вайны
Размова Пуціна з Трампам пакуль не запланаваная, але яе могуць хутка арганізаваць, сказаў сёння Дзмітрый Пяскоў.
Стыў Уіткаф і Уладзімір Пуцін, фота kremlin.ru
Дзмітрый Пяскоў адказаў «не» на пытанне журналістаў, ці перадаваў Пуцін Уіткафу пісьмовыя прапановы па ўрэгуляванні вайны ва Украіне, паведамляе «Дождь».
Прэс-сакратар Крамля заявіў, што публічнае абмеркаванне прапаноў па ўрэгуляванні вайны можа толькі нашкодзіць, а размова Пуціна з Трампам пакуль не запланаваная, але яе могуць хутка арганізаваць.
«У Крамлі «не чулі» заяў пра гатоўнасць Украіны і еўрапейскіх краін да рэальнага дыялогу, але ўзрослую актыўнасць некаторых еўрапейскіх сталіц ацэньваюць станоўча», — заявіў Дзмітрый Пяскоў.
Склад расійскіх перамоўшчыкаў для трохбаковай сустрэчы па Украіне пакуль не вызначаны, а рашэнне прыме Пуцін. Таксама не прынятае рашэнне пра ўдзел Пуціна ў саміце G20 у Маямі, дадаў Дзмітрый Пяскоў.