Яшчэ адзін беларус пацярпеў у Бранскай вобласці
Яшчэ адзін грамадзянін Беларусі пацярпеў у расійскай Бранскай вобласці нібыта ў выніку атакі, якую расійскі бок прыпісвае УСУ. Пра гэта паведаміў мясцовы губернатар Ягор Кавальчук.
Здымак ілюстрацыйны
Інцыдэнт, як паведамляецца, адбыўся каля сяла Дземенка ў Навазыбкаўскай гарадской акрузе. У выніку выбуху беспілотніка быў паранены кіроўца грузавога аўтамабіля.
Медыкі аказалі беларусу неабходную дапамогу і прызначылі амбулаторнае лячэнне.
Раней паведамлялася, што іншы беларус быў паранены раніцай 22 кастрычніка ў Жукоўскім раёне той жа Бранскай вобласці.
Чытайце таксама:
У Бранскай вобласці ў фуру з беларускім кіроўцам прыляцеў дрон
У расійскай Бранскай вобласці праз атаку УСУ парушыўся рух цягнікоў
У Бранскай вобласці ад удару беспілотніка пацярпела беларуска. Ёй ампутавалі канцавіны