Даляр апускаецца ніжэй за 2,95 рубля
На пачатку таргоў у Мінску 23 кастрычніка амерыканская валюта зніжаецца на 0,85 капейкі да 2,9458 рубля.
Таргі скончацца а 13-й.
У пачатку года даляр каштаваў 2,9047 рубля, потыпм некалькі разоў браў планку тры рублі і апускаўся за яе.
У красавіку ён пачаў моцна таннець і ў маі апусціўся нават да 2,72 рубля, пасля чаго пачаўся рост. У пачатку верасня амерыканская валюта дабралася да 3,0792, а пасля зноў пачалося зніжэнне. У гэты панядзелак даляр зноў апусціўся ніжэй за тры рублі.