У Лідскім раёне ў аварыі загінулі два чалавекі
75‑гадовы кіроўца аўтамабіля ВАЗ ехаў па трасе М-6 у напрамку Гродна. Паварочваючы, ён не саступіў дарогу сустрэчнаму Volkswagen Passat, якім кіраваў 21‑гадовы мужчына, паведамляе Следчы камітэт.
Скрыншот з відэа
У выніку сутыкнення кіроўца ВАЗ загінуў на месцы. Яго 71‑гадовую пасажырку даставілі ў бальніцу, дзе яна памерла ад атрыманых траўмаў. Кіроўца Volkswagen не пацярпеў.
Лідскі раённы аддзел Следчага камітэта распачаў крымінальную справу паводле часткі 2 артыкула 317 Крымінальнага кодэкса Беларусі — за парушэнне правіл дарожнага руху, якое пацягнула смерць чалавека.