Конкурс «Інтэрбачанне» сёлета не адбудзецца
Ён меўся прайсці другі раз.
Фота: Sefa Karacan / Anadolu via Getty Images
Аналаг «Еўрабачання» планавалі правесці ў Саудаўскай Аравіі, але перанеслі на 2027 год. Магчыма, адмена адбылася на фоне пачашчэння ўдараў еменскіх хусітаў.
«У сілу комплексу абставін правесці конкурс у Саудаўскай Аравіі пакуль не ўяўляецца магчымым. Паводле наяўных звестак, прапанавана правесці конкурс у 2027 годзе», — заявіла крыніца ТАСС.
«Інтэрбачанне» ўпершыню прайшло мінулай восенню ў Расіі. У ім удзельнічалі больш за 20 краін, а перамогу атрымаў спявак з В’етнама Дзік Фук.
Прадстаўнічка Беларусі Анастасія Краўчанка заняла шостае месца.