Варонеж атакавалі дроны. У горадзе пажары
Ранішняя атака беспілотнікаў на расійскі Варонеж стала самай масаванай з пачатку вайны.
Раніцай 26 кастрычніка ў Варонежы прагрымелі выбухі і пачаліся пажары. Мясцовыя жыхары паведамляюць пра шматлікія выбухі і дым над горадам.
Губернатар Варонежскай вобласці Аляксандр Гусеў паведаміў, што супрацьпаветраная абарона адбівае атаку над горадам і прыгарадамі.
Паводле ASTRA, адзін з беспілотнікаў трапіў у 25‑павярховы бізнэс-цэнтр комплексу «Галерэя Чыжова». Выданне таксама вызначыла два месцы выбухаў побач з жылымі дамамі.
Пацверджаных звестак пра пацярпелых і маштаб пашкоджанняў пакуль няма.