Прычынай выбуху ў кватэры на Алтайскай было наступнае: гаспадар запраўляў запальнічку з балончыка
У Мінску следчыя працавалі на месцы ўспышкі газапаветранай сумесі, у выніку якой пацярпелі два чалавекі, паведаміў СК.
Як высветлілі следчыя, 55‑гадовы мінчук запраўляў запальнічку з дапамогай газавага балончыка, не прызначанага для гэтых мэтаў.
Пасля завяршэння працэдуры мужчына вырашыў праверыць спраўнасць запальнічкі, у выніку чаго адбылося ўзгаранне і наступны выбух газапаветранай сумесі.
З апёкамі гаспадар кватэры быў шпіталізаваны. Выбуховай хваляй выбіла аконную раму, а яе аскепкі паранілі 26‑гадовага мінака. Ён таксама знаходзіцца пад наглядам медыцынскіх работнікаў.
Акрамя таго, механічныя пашкоджанні атрымалі аўтамабілі, прыпаркаваныя каля дома.