У Салігорскім раёне загарэўся мікрааўтобус унутры будынка СТА
У Салігорскім раёне адбыўся пажар на станцыі тэхнічнага абслугоўвання аўтамабіляў каля вёскі Сяльцо, паведаміла прэс-служба МНС.
Скрыншот з відэа
Паведамленне пра ўзгаранне паступіла 27 кастрычніка на нумар 112. Калі падраздзяленні МНС прыбылі на месца, унутры будынка гарэў мікрааўтобус.
У выніку пажару пацярпелі двое работнікаў СТА. Пасля агляду медыкамі іх шпіталізавалі.
Ратавальнікі ліквідавалі пажар. Прычыны і абставіны здарэння высвятляюцца.