У Празе загарэўся дом саўладальніка зброевага канцэрна, які пастаўляе Украіне боепрыпасы
Спецыялісты высвятляюць прычыны.
Foto: Tomáš Vladyka / Odkryto
У Празе загарэўся дом Марціна Дрды — саўладальніка зброевага канцэрна STV, які пастаўляе Украіне боепрыпасы, выданне Odkryto.
Дом Дрды знаходзіцца ў раёне Кунраціцы ў паўднёва-ўсходняй частцы Прагі. Прыкладна а 23:30 суседзі заўважылі ўзгаранне і выклікалі пажарных. Пажар адбыўся каля варот гаража. Спецыялісты ацанілі шкоду на 200 тысяч крон (больш за 9,1 тысячы даляраў).
У момант пажару Дрда знаходзіўся дома разам са сваёй сям’ёй.
Крыміналісты супольна з экспертамі-пажарнымі высвятляюць, ці стала прычынай здарэння тэхнічная няспраўнасць, няшчасны выпадак або наўмысны падпал.