У палітзняволенай журналісткі Вольгі Радзівонавай памерла мама
Жанчыне было больш за 80 гадоў, яна мела патрэбу ў пастаянным доглядзе.
Вольга Радзівонава
У палітзняволенай журналісткі Вольгі Радзівонавай памерла маці. Пра гэта ў фэйсбуку паведаміла яе сяброўка мастачка Ніка Сандрас.
Журналістку Вольгу Радзівонаву арыштавалі ў сакавіку 2024 года і ў снежні 2024 года асудзілі за артыкулы ў нямецкай газеце Die Tageszeitung, прысудзіўшы да чатырох гадоў зняволення.
Журналістку абвінавацілі паводле артыкулаў аб паклёпе на Лукашэнку, дыскрэдытацыі Рэспублікі Беларусь, распальванні варожасці, абразе Лукашэнкі.