Унікальны тэлескоп вярнулі на верхнюю пляцоўку абсерваторыі Мінскага планетарыя
Будаўнікі таксама завяршаюць мадэрнізацыю будынка планетарыя.
Унікальны тэлескоп Carl Zeiss 1950/130, дэмантаваны і вывезены з будынка абсерваторыі Мінскага планетарыя на час мадэрнізацыі аб'екта, зноў вярнулі на верхнюю пляцоўку. Пра гэта паведамляе БелТА са спасылкай на «Мінскбуд».
Будаўнікі генпадраднага БУ-199 трэста №35 таксама завяршаюць мадэрнізацыю будынка планетарыя. Зараз ідзе чыставое аздабленне.
Пакладзена плітка, у кабінетах — ламінат, пафарбаваны сцены, часткова змантажаваны «касмічныя» свяцільні, устаноўлены арыгінальныя дзверы. Нават выхады вентыляцыйных каналаў нагадваюць соплы касмічнага карабля.
Наперадзе — пастаўка і мантаж абсталявання. Пасля падключэння цяпла можна будзе заняцца мэбляваннем памяшканняў. Працы працягваюцца і звонку будынка: неабходна завяршыць аздабленне вентыляцыйнай шахты купала, пакласці фінішны слой даху, скончыць укладванне пліткі і ўсталяваць малыя архітэктурныя формы.