У турэцкай Кападокіі ў турыстычным месцы абрынулася скала

У турэцкай Кападокіі 29 кастрычніка абрынулася скала каля ўвахода ў музей пад адкрытым небам Гёрэме. У выніку загінулі два чалавекі, яшчэ адзін пацярпелы быў шпіталізаваны. Пра гэта паведаміў CNN Türk са спасылкай на мясцовыя ўлады.

Здымак ілюстрацыйны. Фота: IHA Photo

Прычынай абвалу сталі залевы: ад скалы адкалоліся вялікія камяні і ўпалі на тэрыторыю, дзе знаходзіліся людзі. Пад заваламі знайшлі целы двух загінулых.

З-за дажджу і моцнага ветру ў Кападокіі таксама адмянілі палёты на паветраных шарах, запланаваныя на 29 і 30 кастрычніка.

Нацыянальны парк Гёрэме ў гістарычнай вобласці Кападокія — адно з самых папулярных у свеце месцаў для экскурсій на паветраных шарах. Рэгіён вядомы сваімі пячорнымі паселішчамі, падземнымі гарадамі і манастырамі, высечанымі ў скалах.

Каментары да артыкула