Дазволілі анлайн-гандаль ювелірнымі вырабамі

У Беларусі дазволілі прадаваць ювелірныя вырабы праз інтэрнэт. Адпаведны ўказ 29 кастрычніка падпісаў Аляксандр Лукашэнка.

Здымак ілюстрацыйны. Фота: magnific.com

Дакумент дазваляе беларускім суб’ектам гаспадарання гандляваць ювелірнымі вырабамі дыстанцыйна з выкарыстаннем інтэрнэту. Аднак новыя правілы тычацца толькі вырабаў беларускай вытворчасці, якія маюць спецыяльныя сродкі ідэнтыфікацыі — маркіроўку.

Мяркуецца, што гэтая мера дапаможа беларускім вытворцам ювелірных вырабаў пашырыць прысутнасць на ўнутраным рынку і павысіць канкурэнтаздольнасць сваёй прадукцыі дзякуючы прыцягненню больш шырокага кола купцоў.

Некалькі гадоў таму ў Беларусі ўжо зацвердзілі правілы інтэрнэт-гандлю ювелірнымі вырабамі. Аднак яны прадугледжвалі даволі строгія патрабаванні да прадаўцоў, таму такая форма гандлю не атрымала шырокага распаўсюджвання.

Каментары да артыкула