Крыптабіржа KuCoin таксама перастане працаваць з беларусамі
Міжнародная крыптабіржа KuCoin абвясціла аб неадкладным спыненні абслугоўвання карыстальнікаў з Беларусі і Расіі. У кампаніі патлумачылі рашэнне патрабаваннямі заканадаўства і рэгулятараў.
Фота ілюстрацыйнае
Абмежаванні распаўсюджваюцца на ўсе прадукты, паслугі і функцыі платформы. Пры гэтым біржа заявіла, што мае намер арганізаваць упарадкаванае завяршэнне абслугоўвання, каб карыстальнікі маглі закрыць свае пазіцыі і вывесці актывы.
Карыстальнікам, якіх закрануць змены, павінны даслаць паведамленні з адпаведнымі інструкцыямі. Калі такое паведамленне не прыйшло, KuCoin рэкамендуе пакуль устрымацца ад якіх-небудзь дзеянняў.
Паводле інфармацыю партала CoinMarketCap, KuCoin уваходзіць у першую дзясятку крыптабіржаў свету паводле аб’ёму таргоў.
Раней у кастрычніку аб спыненні абслугоўвання карыстальнікаў з Беларусі і Расіі таксама паведамілі некалькі іншых буйных міжнародных крыптабіржаў, у тым ліку MEXC, Bitget і HTX.
Чытайце таксама:
Яшчэ адна крыптабіржа прыпыняе абслугоўванне кліентаў з Беларусі