У Мінску адкрылі новую Гарадскую інфекцыйную бальніцу
Яна знаходзіцца каля Даўгінаўскага тракта.
Бальнічны гарадок новай інфекцыйнай бальніцы размешчаны ў Цэнтральным раёне Мінска, непадалёк ад Даўгінаўскага тракту.
Цяперашняя Гарадская клінічная інфекцыйная бальніца знаходзіцца ў цэнтры горада, яе структурныя падраздзяленні размешчаны ў асобных будынках, у тым ліку пабудаваных яшчэ ў 1913 годзе.
Новы аб’ект спраектаваны як адзіны ў Беларусі інфекцыйны стацыянар, здольны працаваць з інфекцыямі ўсіх узроўняў, у тым ліку IV узроўню біялагічнай небяспекі (найвышэйшага).