Вынесены прысуд па яшчэ адной справе аб генацыдзе
Вярхоўны суд Беларусі прызнаў Аляксандра Буглая вінаватым у генацыдзе беларускага народа, паведамляе тэлеграм-канал Генпракуратуры.
Фота: Генпракуратура
У сувязі з яго смерцю прысуд вынесены без прызначэння пакарання.
Генпракуратура паведамляе, што Аляксандр Буглай, кіруючы ваенізаваным падраздзяленнем, арганізоўваў карныя аперацыі і акцыі на тэрыторыі Гомельскай, Мінскай і Магілёўскай абласцей. Суд прызнаў даказаным учыненне Буглаем 33 эпізодаў злачынных дзеянняў. Прызнана віна ў забойстве 174 жыхароў Беларусі, у тым ліку дзяцей і паджылых людзей, вывазе 77 чалавек у рабства, спаленні больш за 280 дамоў.
Гэта ўжо восьмая крымінальная справа ў дачыненні да прызнання вінаватым у генацыдзе.
Раней такімі былі прызнаныя Уладзімір Катрук, які спаліў Хатынь, Канстанцін Смоўскі, Сымон Серафіновіч, Аляксандр Ярмольчык, Восіп Вініцкі, Ганс Зілінг, Антанас Гецявічус.