Украінскія дроны атакавалі НПЗ ва Уфе
Мясцовыя жыхары ў чатах сцвярджаюць, што ў горадзе былі атакаваныя адразу два прадпрыемствы.
Раніцай 31 кастрычніка ва Уфе пасля атакі беспілотнікаў пачаўся пажар на нафтаперапрацоўчым заводзе, паведамляюць маніторынгавыя каналы. Мясцовыя жыхары ў чатах сцвярджаюць, што ў горадзе былі атакаваныя адразу два прадпрыемствы, паведамляе «Новая газета Еўропа».
Імаверна, гаворка ідзе пра прадпрыемства «Башнафта-УНПЗ».
Паводле звестак Astra, удар прыйшоўся па НПЗ «Башнафта-Навойл». Завод выпускае бензін класа «Еўра-6», дызельнае паліва, авіяцыйную газу і прамысловыя алівы.
Гэтыя два НПЗ разам з «Башнафта-Уфанафтахім» размешчаныя ўшчыльную адзін да аднаго і ўтвараюць Уфімскі нафтаперапрацоўчы комплекс. Усе тры прадпрыемствы належаць кампаніі «Башнафта».