Хуткая дапамога ўрэзалася ў трамвай у Мінску ВІДЭА
Пацыентаў у машыне хуткай на той момант не было.
Фота тут і далей: ДАІ Мінска
Аварыя здарылася ў Мінску ўдзень 31 кастрычніка. На скрыжаванні праспекта Ракасоўскага і вуліцы Плеханава аўто хуткай медыцынскай дапамогі сутыкнулася з трамваем, паведамляе сталічная ДАІ.
Прычыны і акалічнасці здарэння яшчэ высвятляюцца.
Двух медработнікаў і кіроўцу трамвая даставілі ў бальніцу для абследавання. У машыне хуткай дапамогі пацыентаў на момант аварыі не перавозілі.