У Вінніцкай вобласці расійскі дрон прыляцеў на тэрыторыю вучылішча — двое загінулых
Беспілотнік ударыў паміж інтэрнатам і адной з навучальных устаноў.
Фота тут і далей: ДСНС Вінніцкай вобласці Украіны
У Вінніцкай вобласці Украіны расійскі дрон прыляцеў па тэрыторыі прафвучылішча. Загінулі два чалавекі, трое дзяцей трапілі ў бальніцу.
Беспілотнік ударыў паміж інтэрнатам і адной з навучальных устаноў, паведаміла кіраўніца Вінніцкай абласной ваеннай адміністрацыі Наталля Забалотная.
Мужчына памёр на месцы. Жанчыну даставілі ў рэанімацыю, аднак яна не выжыла.
У бальніцы таксама трое дзяцей — двое пяцігадовых і 16-гадовы. Усе з траўмамі сярэдняй цяжкасці.