Супермадэль Хайдзі Клум прыйшла на Хэлаўін у касцюме гіганцкай адарванай рукі
Каб стварыць такі рэалістычны касцюм, спатрэбілася чатыры месяцы.
Фота: інстаграм Хайдзі Клум
Супермадэль Хайдзі Клум часта выбірае запамінальныя касцюмы на Хэлаўін. На гэты раз яна таксама здзівіла — з'явілася на сваёй штогадовай вечарыне ў Нью-Ёрку ў касцюме адарванай чалавечай рукі са звісаючымі сухажыллямі і звязкамі.
Касцюм стварыў дызайнер макіяжу Майк Марына. Пасля года разважанняў, ці брацца за такую работу, спатрэбілася чатыры месяцы, каб увасобіць ідэю, расказаў ён People.
На вечарыне мадэль суправаджалі памочнікі ў ахоўных касцюмах у крыві.
Фота: інстаграм Хайдзі Клум
У мінулым годзе Хайдзі Клум была ў вобразе міфалагічнай Медузы.