Сёння Дзяды — дзень памяці продкаў
У 1991—1995 Дзяды былі дзяржаўным святам і выхадным днём.
Радаўніца — гэта веснавы дзень памяці продаў, а Дзяды — восеньскі. Раней Дзяды масава святкавалі ў цэнтры і на захадзе краіны. Адзначаюць і цяпер.
Гэтай традыцыі прысвечаныя класічныя творы Адама Міцкевіча і Янкі Купалы.
Людзі прыносяць свечкі на магілы і парадкуюць іх перад зімой.
З канца 1980‑х святкаванне Дзядоў спалучылася з днямі памяці ахвяр савецкіх расстрэлаў у Курапатах і іншых месцах масавага знішчэння насельніцтва. Але з 2021 года ў Беларусі з прычын палітычных рэпрэсій акцыі не праводзяцца.