Рыжанкоў расказаў пра «вельмі цікавую» паездку Лукашэнкі
У найбліжэйшы час у графіку Аляксандра Лукашэнкі запланаваны шэраг важных і цікавых міжнародных мерапрыемстваў. Пра гэта заявіў міністр замежных спраў Максім Рыжанкоў на тэлеканале «Беларусь 1», піша БелТА.
AP Photo, Tatan Syuflana
Часткова пра свой будучы графік Лукашэнка расказаў 30 кастрычніка падчас адкрыцця ў Мінску новай гарадской інфекцыйнай бальніцы.
«У мяне ў бліжэйшыя два тыдні, акрамя міжнародных мерапрыемстваў, будзе работа на сяле, дзе я даручыў нешта зрабіць», — сказаў ён.
Максім Рыжанкоў падзяліўся дадатковымі падрабязнасцямі:
«Адбудзецца канферэнцыя па еўразійскай бяспецы. Мы чакаем шмат цікавых гасцей і разлічваем, што кіраўнік дзяржавы прыме некаторых з іх. Потым будзе мерапрыемства па лініі АДКБ у Маскве. А затым мы чакаем вельмі цікавую паездку — шматпланавую і даволі разнастайную», — расказаў міністр.