Колькасць загінулых у Камышавасе пад Запарожжам павялічылася да 31
Было нанесена прынамсі дзевяць авіяўдараў, калі людзі атрымлівалі там гуманітарную дапамогу.
Колькасць загінулых у Камышавасе пад Запарожжам павялічылася да 31, паведаміў начальнік Запарожскай абласной ваеннай адміністрацыі Міхаіл Семікін.
«Расія нанесла прынамсі дзевяць авіяўдараў па Камышавасе менавіта ў той час, калі людзі атрымлівалі гуманітарную дапамогу. І тут варта звярнуць увагу, што Расія выкарыстала ФАБ-3000 — авіябомбу вагой тры тоны, якая змяшчае амаль 1,5 тоны выбуховага рэчыва. Такая зброя прызначаная для разбурэння магутных бетонных умацаванняў і бункераў», —расказаў Семікін.
3, 4 і 5 лістапада ў Запарожскай вобласці абвешчаныя днямі жалобы па загінулых.