Пяць чалавек затрымалі за каментары пра чыноўнікаў і міліцыянераў
Жыхароў розных рэгіёнаў Беларусі ва ўзросце ад 36 да 66 гадоў знайшлі падчас маніторынгу сацсетак. Пра іх затрыманне паведаміла МУС.
Паводле міліцыі, затрыманыя пакідалі «негатыўныя каментары» пра найвышэйшых дзяржаўных чыноўнікаў і супрацоўнікаў мінскай міліцыі.
У МУС сцвярджаюць, што затрыманыя прызналі віну, а свае дзеянні тлумачылі ў тым ліку ўздзеяннем алкаголю.
Якія менавіта каментары сталі падставай для затрыманняў, МУС не ўдакладняе.
Паводле МУС, распачатыя крымінальныя справы, затрыманым пагражае да чатырох гадоў пазбаўлення волі.