«Не ўлез нават у тачку». Пад Гроднам вырасцілі гіганцкі кабачок ФОТЫ
Пад Гроднам у вёсцы Коматава вырасцілі гіганцкі кабачок вагой прыкладна 20—25 кілаграмаў. Такі ўраджай сабралі Іван і Валянціна Малінкоўскія, піша Newgrodno.by.
Кабачок аказаўся настолькі вялікім, што нават не ўлез у садовую тачку. Калі паставіць яго вертыкальна, то гародніна дастае даросламу чалавеку да пояса.
Гаспадары сцвярджаюць, што спецыяльна не імкнуліся вырасціць рэкордны плод: пасадзілі звычайны сорт на звычайнай градцы.
Аднак да сусветнага рэкорду ім пакуль далёка. Нядаўна ў ЗША вырасцілі кабачок вагой больш за 77 кілаграмаў. Раней таксама фіксаваліся плады масай 50—60 кілаграмаў.
Чытайце таксама:
У ЗША жанчына вырасціла гіганцкі кабачок вагой з дарослага чалавека
Жыхар Стоўбцаў вырасціў гіганцкі качан капусты ФОТАФАКТ
У Ваўкавыскім раёне жанчына вырасціла гіганцкі агурок ФОТАФАКТ