Папа Леў XIV прыняў Боба Дылана. Той фатаграфаваўся ў капюшоне
Пантыфік раней ужо некалькі разоў згадваў песні і тэксты гэтага вядомага музыканта.
Фота: Simone Risoluti — Vatican Media via Vatican Pool/Getty Image
У сераду Леў XIV прыняў у Ватыкане свайго суайчынніка Боба Дылана — амерыканскага спевака і паэта, лаўрэата Нобелеўскай прэміі па літаратуры, паведамляе прэс-служба Ватыкана;
Пантыфік ужо некалькі разоў згадваў песні і тэксты гэтага вядомага аўтара, які пакінуў след у сваім пакаленні, асабліва яго творы пра мір.
У верасні 1997 года Боб Дылан выканаў некалькі песень падчас XXIII Нацыянальнага эўхарыстычнага кангрэса Італіі ў Балонні. Яго слухалі больш за 300 тысяч маладых людзей, а таксама Папа Ян Павел II.