Трэцякласнік аддаў махлярам бацькоўскія зберажэнні
У сталічную міліцыю звярнуліся бацькі дзевяцігадовага хлопчыка, якога падманулі махляры.
Школьніку патэлефанавалі нібыта прадстаўнікі службы па замене дамафонаў і папрасілі назваць код з SMS. Затым ілжэсілавік паведаміў, што ягоныя даныя трапілі да махляроў і будуць выкарыстаныя для правядзення незаконных аперацый. Каб выправіць сітуацыю, неабходна было сабраць усе наяўныя грошы ў доме і перадаць іх на праверку, паведамляе мінская міліцыя.
Знаходзячыся на відэасувязі з суразмоўцам, дзіця пералічыла свае грошы — 12 тысяч даляраў, склала іх у пакет і аддала ў пад'ездзе незнаёмцу, які прыйшоў па грошы.
Аператыўнікі ўстанавілі асобу і затрымалі кур'ера. Ім аказаўся 18‑гадовы мінчук, які сам паверыў зламыснікам і выконваў іхнія ўказанні. Ён паспеў наведаць два адрасы, дзе забраў чужыя зберажэнні, а затым перадаў іх далей па ланцужку.
Бацькі неаднаразова расказвалі вучню трэцяга класа пра падобныя злачынныя схемы і правілы бяспечных паводзін. Прафілактычныя гутаркі праводзіліся і ў школе.