Памерла народная артыстка Расіі Лідзія Федасеева-Шукшына
Удаве Васілія Шукшына было 88 гадоў, яна перажыла другога мужа на 51 год.
У сярэдзіне кастрычніка артыстку шпіталізавалі праз праблемы з сэрцам.
Лідзія Федасеева-Шукшына праславілася ролямі ў фільмах свайго мужа, пісьменніка, акцёра і рэжысёр Васілія Шукшына, — «Печкі-лаўкі» (1972) і «Каліна чырвоная» (1973).
Яна таксама здымалася ў гістарычных фільмах «Юнацтва Пятра», «Віват, гардэмарыны!», а таксама выконвала розныя эпізадычныя ролі.
Агулам Лідзія Федасеева-Шукшына была замужам пяць разоў. Шукшын быў яе другім мужам. Пятым мужам быў знакаміты прадзюсар гурта «На-на» Бары Алібасаў (у яго было сем шлюбаў). Жанатыя яны былі з 2018 па 2021 гады.