Інфанціна адмовіўся ад ідэі пашырэння колькасці ўдзельнікаў чэмпіянату свету па футболе да 64
Прэзідэнт ФІФА Джані Інфанціна адмовіўся ад ідэі пашырэння чэмпіянату свету 2030 года да 64 каманд. Пра гэта паведаміла газета The Times са спасылкай на свае крыніцы.
Джані Інфанціна. Фота: Jacquelyn Martin / AP
Адзначаецца, што такое рашэнне Інфанціна звязана з маючымі адбыцца выбарамі прэзідэнта ФІФА, якія пройдуць у сакавіку 2027 года.
Інфанціна, які раней заявіў пра намер зноў балатавацца на гэтую пасаду, хоча зняць з сябе ціск пасля нядаўняга скандалу, звязанага з планамі па продажы долі правоў на правядзенне сусветнага першынства. Ад гэтых планаў арганізацыі давялося адмовіцца на фоне крытыкі.
У сакавіку 2025 года Уругвай прапанаваў ФІФА пашырыць турнір 2030 года да 64 каманд. Інфанціна назваў гэтую ідэю цікавай і заявіў, што ФІФА разгледзіць магчымасць пашырэння чэмпіянату свету. У фінальнай частцы папярэдняга чэмпіянату свету ў 2026 годзе ўпершыню выступілі 48 нацыянальных зборных.
З 1998 па 2022 год удзельнікаў было 32.