Стралок з Кракава, які забіў дзевяць чалавек, памёр у бальніцы
Міхал Аксіньскі памёр сёння раніцай.
Міхал Аксіньскі, фота з яго фэйсбука
24‑гадовы Міхал Аксіньскі, які ў выніку стральбы ў суботу ў Кракаве забіў шэсць чалавек і параніў 15 чалавек, памёр у бальніцы ад раненняў. Пра гэта паведаміла паліцыя Малапольскага ваяводства.
«Паведамляем, што вінаваты ў трагічных падзеях сёння раніцай памёр у бальніцы», — гаворыцца ў паведамленні.
Пазней па месцы жыхарства стралка ў Астраўцы-Свентакшыскім былі выяўленыя целы яго бацькоў і сястры.
Ён таксама параніў двух паліцэйскіх, якія знаходзяцца ў бальніцы ў цяжкім стане.
У Польшчы была абвешчана некалькідзённая жалоба.