Рубіа назваў адну з тэмаў перамоваў па Украіне
Гарантыі бяспекі Украіны з'яўляюцца адной з галоўных тэм перамоваў па ўрэгуляванні канфлікту. Пра гэта журналістам заявіў дзяржсакратар ЗША Марка Рубіа, піша Fox News.
Марка Рубіа, фота Zed Jameson/Anadolu via Getty Images
Паводле яго слоў, абмеркаванне архітэктуры бяспекі Украіны і Еўропы пасля ўрэгулявання канфлікту ў цэлым ужо прасунулася наперад, аднак канчатковых дамоўленасцяў пакуль няма.
«Гэта адна з ключавых тэм, якая неаднаразова ўздымалася падчас кожнага абмеркавання перамоваў», — сказаў Рубіа, кажучы пра гарантыі бяспекі.
Ён адзначыў, што прэзідэнт ЗША Дональд Трамп атрымаў даклад аб папярэдніх прапановах па фарміраванні такой сістэмы на мінулым тыдні.
«Пакуль нічога канчаткова не ўзгоднена. Магчыма, заўтра ў Абу-Дабі ўдасца дасягнуць пэўнага прагрэсу, калі туды прыбудуць Джарэд Кушнер і Стыў Уіткаф. Думаю, яны ўжо накіроўваюцца туды», — дадаў Рубіа.